Өскеменде 19 жастағы жігіт пәтерде қамалып қалды

Құтқарушылар есікті арнайы құралдардың көмегімен ашып, пәтер ішінде қалған жігітті шығарып алды

15 тамыз күні түн ортасында жігіттің ата-анасы үйіне кіре алмай қалған.

Пәтер ішінде қалған ұлдары ұзақ уақыт есік ашпаған. Уайымдаған ата-анасы 101-ге қоңырау шалып, мамандарды шақыртқан.

Өскемен ТЖБ ақпаратына сүйенсек, мамандар есікті арнайы құралдардың көмегімен полиция қызметкерлерінің көзінше ашқан. Анықталғандай, жігіт ұйықтап жатқан екен.