Серебрянск қаласына әскери борышын өтеуге жүзге жуық сарбаз келді

Серебрянск қаласындағы №97638 әскери бөліміне еліміздің түкпір-түкпірінен 90-ға жуық жас сарбаз жиналды, деп хабарлайды Устинка LIVE тілшісі.

Жас сарбаздар Қазақстанның тұтастығы мен бейбіт өмірін қорғауға салтанатты түрде әскери ант берді.

Ұлымның әскери ант қабылдау сәтін көру — мен үшін өмірімдегі ең үлкен мақтаныштардың бірі. Бір ай бұрын бозбала болып аттанған еді, бүгін Отан қорғаушы ретінде алдында тұр. Оның бойынан сенімділік пен ерік-жігерді көріп, жүрегім қуанышқа толды, - деді сарбаздың анасы Зейнап Муратовна.

Жас жауынгерлерге артылған міндет пен жауапкершілік – Отанға адал қызмет ету.

Бүгінгі күн мен үшін ұмытылмас. Біз ел алдында емес, жүрегіміздің алдында ант бердік. Бұл - тек сөз емес, болашақтағы әр ісімізге жауапкершілік артатын уәде. Мен өз борышымды адал өтеуге уәде беремін, - деді Санжар Бүркітбай.

Салтанатты шараға келген ата-аналар бір айда өзгеріп, әскери тәртіпке бой үйреткен балаларын мақтанышпен тамашалады. Ал келіп үлгермегендер болса, сарбаздармен онлайн байланысқа шығып, жүрекжарды тілектерін жолдады.