Өскемен мен ШҚО Сарыбелге апаратын жол жөнделіп жатыр
Өскемен - Самар - Васильев өткелі бағытындағы 21 шақырым тас жол жөнделеді
Биыл Самар ауылынан Миролюбовка ауылына дейінгі 6 шақырым жолын жөндеу жұмыстары басталып кетті, деп хабарлайды Устинка LIVE тілшісі.
Бұл аймақтың туристік инфрақұрылымын дамыту және халықтың демалыс орындарына ыңғайлы жетуін қамтамасыз ету үшін маңызды жоба.
Еске салайық, алты жылдан астам уақыт бойы тоқтап тұрған "Васильев" паром өткелі қайта жұмыс істей бастады. Яғни, өткелге жеткізетін жолда көлік ағыны да ұлғайды. Сол үшін бұл жолды жөндеудің маңызы зор.
Облыс басшысының тапсырмасы бойынша 21 шақырым жолды жөндеуге қаржы бөлінді. Бұл екі жылдық жоба. Биылдың өзінде 6 шақырымы жөнделеді. Кешеден басталған жұмыстарды шілденің 20-сына дейін аяқтауымыз керек, - дейді Самар ауданының әкімі Серік Жеңісов.
