Өскемен мен ШҚО Өскемендік әскери қызметші "Ерлігі үшін" медалімен марапаттады
Мемлекет басшысы Қасым-Жомарт Тоқаевтың Жарлығымен 3477 әскери бөлімінің атқышы ефрейтор Тілек Құмарбеков "Ерлігі үшін" медаліне ие болды
Ұлттық ұлан қызметшісіне мемлекеттік награданы Республика күніне орай ұйымдастырылған салтанатты шарада Ішкі істер министрі полиция генерал-лейтенанты Ержан Сәденов табыстады, деп хабарлайды Устинка LIVE тілшісі ҚР ҰҰ "Шығыс" өңірлік қолбасшылығының баспасөз қызметі ақпаратына сүйеніп.
Естеріңізге сала кетейік, Тілек Құмарбеков Үлбі өзеніне шомылып жүрген алты жасар баланы ажал ауызынан алып қалған болатын.
Оқиға 2022 жылдың 16 шілдесінде Тарханка ауылының маңындағы Үлбі өзенінде орын алған. Су иірімімен ағып бара жатқан қаршадай баланы көрген әскери қызметші дереу құтқаруға ұмтылады. Ағынды суға батып бара жатқан бүлдіршінді көзсіз ерлік танытып, жағаға аман-есен алып шыққанымен, ефрейтердің өзі есінен танып қалған. Ол тек ауруханада есін жиған болатын.