Әлем Американдық 5 Blackhawk әскери тікұшақтары Латвияға тасымалдаушы ұшақпен жеткізілді
Бес UH-60 Blackhawk ("Блэкхок") тікұшағы мен АҚШ әскерінің 10-шы әуебригадасындағы Fеniks бөлімі бүгін Латвияға Atlantic Resolve («Атлантикалық шешім») операциясы аясында жеткізілді
Рәсімге Латвия қорғаныс министрі Раймондс Бергманис, Латвия Ұлттық қарулы күштерінің (ҰҚК) Біріккен штабының басшысы Иво Могильный, Еуропадағы АҚШ ӘӘК вице-қолбасшысы Тимоти Задалис пен АҚШ ӘӘК бригадасының генералы Патрик Догерти, сонымен қатар Латвиядағы АҚШ елшісі Нэнси Петит қатысты.
Blackhawk тікұшақтарымен және 10-шы әуебригадасы әскери қызметкерлерімен келетін тасымалдаушы ұшақ 28 ақпанға жоспарланған болатын, алайда ұшақтың техникалық мәселелеріне байланысты шегерілді.
Осыған дейін, Латвияға Atlantic Resolve операциясы аясындағы айналыммен АҚШ армиясындағы 3-ші бронды техникалық бригаданың 250 әскери қызметкері келген болатын. Олардың барлығы Адажи базасына орналастырылып, Латвия ҰҚК әскери қызметкерлерімен бірге жаттығатын болады. Олар республикада Канада басқаратын НАТО-ның көпұлтты батальоны келгенше болады.
Atlantic Resolve 2014 жылдың сәуірінде «НАТО-ның шығыс қанатын күшейту» мақсатында басталды. Былтырғы жылы Варшавада өткен альянс саммитінде 2017 жылы көпұлтты батальонды Лавияда, Литвада, Эстонияда және Польшада орналастару туралы шешім қабылданған. Осыған дейін Латвия ҰҚК қолбасшысы Леонидс Калнынш мәлімдегендей батальон республикада маусымға дейін болады.