Оқиғалар Тайванның экономика министрі жарық өшіргені үшін қызметінен босады
Тайванның экономика жөніндегі министрі Ли Шигуан аралдағы жарықтың жаппай сөнуіне өзін кінәлі деп жариялап, отставкаға кетті
Бұл жайында "Тайбэй таймс" газеті хабарлады.
17 қала мен уездің 6,68 млн жанұясы жарықсыз қалған. Құтқару қызметіне лифтіде қамалып қалған мыңдаған адам хабарласып көмек сұраған.
Кейін белгілі болғандай, жарықтың сөнуіне аралдың солтүстігінде орналасқан Таоюань электростанциясында болған ақау себеп болған. Электрстанциясына қуат өндірілуге берілетін газ отыны дұрыс жетпей қалған. Бұл өз кезегінде, алты реактордың тоқтауына себеп болған.
Ақау төрт сағаттың ішінде қалпына келтірілді.
Жарықтың өшуі әуежай қызметіне, жолаушыларды тасымалдауға, ірі кәсіпорындардың жұмысына кедергі келтірмеген.