Оқиғалар Оңтүстік Қазақстандағы тойда болған атыстан екі қонақ зардап шекті
Оңтүстік Қазақстанда той салтанатындағы атысқа байланысты тергеу жұмыстары жүруде
Оқиға Асукент ауылындағы мейманханалардың бірінде болған. Оқиға орнына келген полиция қызметкерлері бір топ жастардың ел назарын аудару үшін белгісіз қарудан оқ атқанын анықтаған.
- Қару от алмағандықтан атылып кетіп, «Бентли» автокөлігін жанап өткен оқ 1952 және 1996 жылғы екі әйелді жаралаған. Зардап шеккендер аудандық ауруханаға жеткізілген, кейін олар үйлеріне қайтарылды, - дейді полиция хабарландыруында.
Жедел іздестіру шаралары барысында үш жас жігіт ұсталды. Олардың екеуі бұрын сотталған. Үйлерін тінту барысында полиция 12 калибрлі қысқа аңшы мылтығын, екі травматикалық тапанша және түрлі калибрдегі патрон анықтаған. Екінші күдіктінің көлігінен 16-шы калибрлі аңшы мылтығы табылды.
Аталмыш факті бойынша екі қылмыстық іс қозғалды.