Еріктілерге COVID-19-ге қарсы жаңа қазақстандық вакцинаны сынау үшін қанша ақша төленеді?

Жақында Таразда жасалған COVID-19 қарсы вакцинаның клиникалық сынақтары адамдарда басталады. Осыған дейін QazCoVac-P деп аталатын коронавирустық инфекцияға қарсы препарат маймылдар мен егеуқұйрықтарда сыналған. Оң нәтижелер келесі кезеңге өтуге мүмкіндік берді, деп хабарлайды КТК телеарнасының сайты.

Еріктілерді тестілеу екі кезеңде өтеді. Бірінші кезеңге дені сау 18-ден 50 жасқа дейінгі қазақстандықтарды қажет. Тестке келген 44 адам екі топқа бөлінеді, бірінші топқа жаңа вакцина егілсе, ал екінші топқа плацебо беріледі. Барлық қатысушыларға 200 мың теңге төлеуге уәде етілген. Сәтті нәтиже болса екінші кезеңді бастайды. Оның барысында вакцинаның қауіпсіздігі және оның көмегімен пайда болған антиденелердің COVID-19-мен күресу қабілеті анықталады. Бұл кезеңде ғалымдар 200 сынақтан өтушіні шақыруды жоспарлап отыр.

Ғылыми-зерттеу институты жаңа препарат туралы және QazCoVac-P сынақтарынан күтілетін нәтижелер туралы айтты:

- Бірінші вакцина инактивті вакцина болды. Онда біз тірі вируспен жұмыс жасаймыз. Бұл жағдайда біздің институттың қызметкерлері жасаған суббірлік коронавирустық вакцинаның екінші кезеңі басталады және бұл жерде тірі вирус жоқ.  Тірі вирусты қолданбайтын суббірлік вакцина. Бұл вакцина жұмсақрақ болады деп үміттенеміз, - деді Тараз қаласы БҚПҒЗИ-дің бас ғылыми қызметкері Берік Хайруллин.