Қазақстан Air Astana Үрімші мен Бейжіңге рейстерді тоқтатады
Air Astana әуе компаниясы Үрімші мен Бейжіңге рейстерді тоқтатады, деп хабарлайды KAZ.NUR.KZ
Бұл жайында әуе тасымалдаушысының Instagram желісіндегі ресми парақшасында белгілі болды.
- Air Astana Үрімші мен Бейжіңге рейстерді тоқтатады. 3 ақпаннан бастап Air Astana Бейжің мен Үрімшіге рейстерді тоқтатады. Сонымен бірге, бұрын Қытайға ұшқан жолаушыларды қайтару үшін Үрімші мен Бейжіңнен соңғы рейстер 3 ақпанда орындалады. Air Astana Алматыдан Гонконгқа рейстерді өзгеріссіз орындайды,- делінген хабарламада.
Жолаушылар билеттерді қайтару немесе ұшу күнiн ауыстыру үшін сатып алған орындарға хабарласа алады.
